س: پیمانہ پیدائش سے کیا مراد ہے ؟
ج: کسی کاروبار کی جسامت اور حجم کو پیما نہ پیدائش کہا جاتا ہے۔ اگر آجر کے مالی وسائل کم ہوں اور وہ شے کو کم مقدار میں پیدا کرے تو اسے پیمانہ صغیر کہتے ہیں ۔ جب کہ زیادہ سرمائے اور بڑی مشینوں سے زیادہ مقدار میں شے کو پیدا کیا جائے تو اسے پیمانہ کبیر کہتے ہیں۔
س: پیمانہ پیدائش صغیر سے کیا مراد ہے ؟
ج: جب کسی شے کو پیدا کرنے کے لیے مالی وسائل کم ہوں اور جدید مشینری استعمال نہ کی جا رہی ہو اور زیادہ تر کام ہاتھوں سے کیا جا رہا ہو تو اسے پیمانہ پیدائش صغیر کہتے ہیں۔
س: پیمانہ پیدائش کبیر سے کیا مراد ہے ؟
ج: جب کسی شے کو پیدا کرنے کے لیے مالی وسائل وافر ہوں اور جدید مشینری استعمال کی جا رہی ہو اور زیادہ مقدار میں شے کو پیدا کیا جائے تو اسے پیمانہ کبیر کہتے ہیں۔
س: پیمانہ پیدائش کے تعین کے عوامل تحریر کریں۔
ج: 1)شے کی طلب 2) سرمائے کی مقدار 3) آجر کی قابلیت 4) منڈی کی وسعت
س: اندرونی کفایات سے کیا مراد ہے ؟
ج: ایسے فائدے جو کسی خاص فرم کے ساتھ منسوب ہوں اور دوسرے کاروبار ان سے فائدہ نہ اٹھا سکیں کاروبار کی اندرونی یا داخلی کفایتیں کہلاتی ہیں۔
س: انتظامی کفایتوں سے کیا مرا د ہے؟
ج: ایسی کفایتیں جو ایک کاروبار کو انتظامی عملے کے بلند استعداد کار کی وجہ سے حاصل ہوتی ہیں انتظامی کفایتیں کہلاتی ہیں۔
س: بیرونی کفایات سے کیا مراد ہے ؟
ج: ایسے فائدے جو کسی خاص فرم کے ساتھ منسوب نہ ہوں اور علاقے میں موجود دوسرے کاروبار ان سےیکساں فائدہ اٹھا سکیں کاروبار کی بیرونی کفایات کہلاتی ہیں۔
س: پیمانہ پیدائش کبیر کے چار فوائد تحریر کریں۔
ج: 1)تقسیم کار 2) جدید مشینری کا استعمال 3) نشرو اشاعت 4) قرضہ کی سہولت
س: پیمانہ پیدائش کبیر کے چار نقصانات تحریر کریں۔
ج: 1)ذاتی تعلقات کا فقدان 2) زائد پیداواری 3) اجارہ داریوں کا قیام 4) حادثات
س: پیمانہ پیدائش صغیر کے چار فوائد تحریر کریں۔
ج: 1)ذاتی دلچسپی 2) صارفین کی پسند 3) جلد فیصلے 4) خود مختاری
س: پیمانہ پیدائش صغیر کے چار نقصاناتحریرکریں۔
ج: 1)تقسیم کار کا نہ ہونا 2) ضمنی پیداوار کا نہ ہونا 3) نشرو اشاعت کی کمی 4) سرمائے کی کمی
س: قانون تکثیر حاصل کی تعریف لکھیں۔
ج: جب کسی متعین عامل پیدائش پر دیگر متغیر عاملین کی اکائیاں یکے بعد دیگرے لگانے سے ہر زائد اکائی پہلی اکائی سے زیادہ پیداوار دے توا س رجحان کو قانون تکثیر حاصل کا نام دیاجاتا ہے۔
س: قانون تقلیل حاصل کی تعریف لکھیں۔
ج: جب کسی متعین عامل پیدائش پر دیگر متغیر عاملین کی اکائیاں یکے بعد دیگرے لگانے سے ہر زائد اکائی پہلی اکائی سے کم پیداوار دے توا س رجحان کو قانون تقلیل حاصل کا نام دیاجاتا ہے۔
س: قانون یکسانی حاصل کی تعریف لکھیں۔
ج: جب کسی متعین عامل پیدائش پر دیگر متغیر عاملین کی اکائیاں یکے بعد دیگرے لگانے سے ہر زائد اکائی پہلی اکائی کے برابر پیداوار دے توا س رجحان کو قانون یکسانی حاصل یا قانون اسقرار حاصل کا نام دیاجاتا ہے۔
س: قانون متغیر تناسبا ت کی تعریف لکھیں ۔
ج: جب کسی ایک متغیر عامل کی اکائیاں دیگر معین عاملین پر لگانے سے متغیر عامل کی ہر زائد اکائی کل پیداوار میں پہلے سے زائد اضافہ کرے پھر ایک نقطے کے بعد اس اضافے کا تناسب کم ہوتا چلا جائے ۔ حتی کہ کل پیداوار اپنی انتہا کو پہنچ جانے کے بعد گرنا شروع ہو جائے تو اس رجحا ن کو قانون متغیر تناسبا ت کا نام دیا جاتا ہے۔
س: مختتم پیداوار سے کیا مراد ہے ؟
ج: دیگر معین عاملین پیدائش پر ایک متغیر عامل کی ایک مزیداکائی لگانے کل پیداوار میں ہونے والے اضافے کو مختتم پیداوار کہا جاتا ہے۔
س: کل پیداوار سے کیا مراد ہے ؟
ج: ایک پیداواری عمل میں عاملین پیدائش کی مختلف اکائیوں کے استعما ل سے حاصل ہونے والی مجموعی پیداوار کو کل پیدوار کہا جاتاہے۔
Add Comment