Home » معاشیات میں شماریات اور ریاضی کے بنیادی آلات اہم مختصرسوالات(Short Questions)
انٹر میڈیٹ پارٹ-I

معاشیات میں شماریات اور ریاضی کے بنیادی آلات اہم مختصرسوالات(Short Questions)

س:           متغیرات سے کیا مرادہے؟

ج:            ایسی مقداریں جو تبدیل ہوتی رہتی ہیں اور مختلف قیمتیں اپنا سکتی ہیں متغیرات کہلاتی ہیں۔ مثلا درجہ حرارت ، گاڑی کی رفتار وغیرہ۔

س:           متغیرات کی اقسام بیان کریں۔

ج:            1) مسلسل متغیر             2) غیر مسلسل متغیر        3) آزاد متغیر                4) تابع متغیر

س:           آزاد متغیر سے کیا مراد ہے؟

ج:            ایسی متغیر مقدار جو از خود تبدیل ہوتی ہےآزاد متغیر کہلاتی  ہے۔ مثلا قانون طلب میں قیمت ایک آزاد متغیر ہے۔

س:           تابع متغیر سے کیا مراد ہے؟

ج:            تابع متغیر سے مراد ایسا متغیر ہے جو آزاد متغیرکی وجہ سے تبدیل ہوتاہے۔مثلا قانون طلب میں طلب ایک تابع متغیر ہے

س:           مسلسل متغیر سے کیا مرادہے؟

ج:            ایسا متغیر جو اپنی قیمت تبدیل کرتے وقت اپنے سلسلہ حدود میں ہر قیمت کو اپنائے اور کوئی وقفہ نہ چھوڑےیا کوئی جمپ نہ لگائے مسلسل متغیر کہلاتا ہے۔

س:           غیر مسلسل متغیر سے کیا مرا دہے؟

ج:            ایسا متغیر جو اپنی قیمت تبدیل کرتے وقت اپنے سلسلہ حدود میں ہر قیمت کونہ  اپنائے اور درمیان میں وقفہ چھوڑےیا کوئی جمپ لگائےاسے غیر  مسلسل متغیر کہتے ہیں۔

س:           مستقلات یا ساکنات سے کیا مراد ہے؟

ج:            ایسی مقداریں جن کی قیمتیں پہلے سے معلوم ہوں یعنی وہ مستقل رہیں اور ان میں کوئی تبدیلی نہ آئے  ساکنات کہلاتی ہیں۔

س:           بدل پزیر مستقلات /پیرامیٹرز سے کیا مرادہے؟

ج:            ایسی مقداریں جو عملی زندگی میں تو تبدیل ہوتی رہتی ہیں لیکن مخصوص حالات میں یا قانون کو ثابت کرنے کے لیےانھیں ساکن فرض کر لیا جاتاہےبدل پزیر ساکنات یا پیرامیٹرزر کہلاتی ہیں۔

س:           تفاعل سے کیا مراد ہے؟

ج:            دو متغیرات میں پایا جانے والا تعلق تفاعل کہلاتا ہے۔ یا جب کوئی متغیر مقدار کسی دوسری متغیر مقدار پر انحصار کرے تو وہ اس کا تفاعل بن جاتی ہےاور اسے رشتے کو تفاعل کا نام دیا جاتا ہے۔

س:           تفاعل کی اقسام تحریر کریں۔

ج:            1) تقلیلی تفاعل             2) تکثیر ی تفاعل

 

س:           تکثیری تفاعل سے کیا مرادہے؟

ج:            اگر آزاد اور تابع  متغیر میں تبدیلی ایک ہی سمت میں واقع ہویعنی دو متغیرات ایک ہی سمت میں بڑھیں یا کم ہوں  تو اسے تکثیری تفاعل کہتے ہیں۔

س:           تقلیلی تفاعل سے کیا مرادہے؟

ج:            اگر آزاد اور تابع  متغیر میں تبدیلی الٹ سمت میں واقع ہویعنی دو متغیرات ایک  دوسرے کی مخالف سمت میں تبدیل ہوں  تو اسے تقلیلی تفاعل کہتے ہیں۔

س:           مساوات سے کیا مرا دہے؟

ج:            مساوات سے مراد  دو جملوں کا آپس  میں برابر ہونا ہوتا ہے۔ یعنی جب دو الجبری جملوں کو مساوی کی علامت سے جوڑا جاتا ہےتو وہ مساوات کہلاتی ہے۔

س:           مساوات کی اقسام تحریر کریں۔

ج:            1) یک درجی مساوات     2) دو درجی مساوات       3) ہمزاد مساواتیں         4) مساوات متماثلہ

س:           یک درجی مساوات سے کیا مرادہے؟

ج:            ایسی مساوات جس میں موجود متغیر کی زیادہ سے زیادہ قوت ایک ہو تو اسے سادہ مساوات یا یک درجی مساوات کہا جاتا ہے۔

س:           دودرجی مساوات سے کیا مرادہے؟

ج:            جب کسی مساوات میں نامعلوم مقدار کی سب سے بڑی قوت نما 2 ہو تو اسے دو درجی مساوات کہا جاتا ہے۔

س:           ہمزاد مساواتوں سے کیا مرادہے؟

ج:            ایسی مساواتیں جن میں نامعلوم مقداروں کی تعداد ایک سا زائد ہو اور ان کی قیمتیں سب مساواتوں پر درست ثابت ہوں تو وہ ہمزاد مساواتیں کہلاتی ہیں۔

س:           شماریاتی مواد سے کیا مرادہے؟

ج:            شماریاتی موادسے مراد وہ اعدادو شمار ہیں جنہیں کسی ضابطے کے تحت کسی شماریاتی تحقیق  کے لیےاکٹھا کیا گیا ہو۔اور ان کی بنیاد پر قومی آمدنی اور معیار زندگی کو بہتر کرنے  کے لیے تجاویز دی جا سکیں۔

س:           ابتدائی تعدادی مواد سے کیا مرادہے؟

ج:            ایسےاعدادو شمار اور معلومات جو کسی شخص یا ادارے کی جانب سے  ابتدائی طور پر پہلی دفعہ اکٹھا کیا جائے اور ترتیب نہ دیا ہو ابتدائی تعدادی مواد کہلاتے ہیں۔

س:           ابتدائی تعدادی مواد اکٹھا کرنے کے طریقے تحریر کریں۔

ج:            1)ذاتی مشاہدہ               2) بلواسطہ ذاتی مشاہدہ     3) سوالناموں کے ذریعے 4)رجسٹریشن کے ذریعے 5)مقامی اخبارات کے ذریعے

س:           ثانوی تعدادی مواد سے کیا مرادہے؟

ج:            ایسے  اعدادو شمار اور معلومات ہیں جن  کو کم از کم ایک مرتبہ شماریاتی تجزیہ اور تحقیق سے گزارا گیا ہو۔ ثانوی تعدادی موادکہلاتے ہیں۔

س:           ابتدائی تعدادی مواد اکٹھا کرنے کے طریقے تحریر کریں۔

ج:            1) سرکاری ذرائع           2) نیم سرکاری ذرائع      3)  نجی ذرائع                4) فنی ذرائع                  5)تحقیقاتی اداروں کی رپورٹ

س:           جدول بندی سے کیا مرادہے؟

ج:            تعدادی مواد کو ترتیب وار منظم کر کے باقاعدہ کالموں اور قطاروں کی شکل میں پیش کرنا جدول بندی کہلاتا ہے۔

س:           جدول بندی کی اقسام تحریر کریں۔

ج:            1)   سادہ جدول بندی       2) مرکب جدول بندی

س:           سادہ جدول بندی سے کیا  مرادہے؟

ج:            ایسا جدول جس میں ایک سے زائد ایسے سوالات کے بارے  میں معلومات فراہم کی جا ئیں جو الگ الگ نورعیت کے ہوں سادہ جدول کہلاتا ہے۔

س:           مرکب یا پیچیدہ جدول سے کیا مرادہے؟

ج:            ایسا جدول جس میں ایسے سوالات کے  جوابات دیے جائیں جن کا آپس میں گہرا تعلق ہو مرکب یا پیچیدہ جدول کہلاتے ہیں۔

س:           جدول بندی کے اصول تحریر کریں۔

ج:            1) جدول واضح ، آسان اور عام فہم ہونا چاہیے۔        2) جدول کا عنوان جلی حروف میں واضح لکھا ہونا چاہیے ۔             3) جدول کاعنوان پورے جدول کی عکاسی کرتا ہو۔  4) ہر عنوان کی پیمائش کی اکائیا ں درج ہوں   5) جدول بندی سے پہلے تعدادی مواد کا تخمینہ کرنا چاہیے۔

 

 

Add Comment

Click here to post a comment

Follow Us on Facebook

Advertisement