س: طلب سے کیا مرادہے؟
ج: اگر کسی شخص کے پاس کسی شے کو خریدنے کا ارادہ اور طاقت موجو دہو تو یہ اس کی شے کی طلب بن جاتی ہے۔ یعنی طلب کے لیے دو شرائط کا پورا ہونا ضروری ہے۔ 1) شے کو حاصل کرنے کا ارادہ 2) شے کو حاصل کرنے کی طاقت
س: ماخوذ طلب سے کیا مرادہے؟
ج:ٍ بعض اشیا کی طلب براہ راست نہیں کی جاتی بلکہ بعض اشیا دیگر اشیا کی وجہ سے طلب کی جاتی ہیں۔ یعنی ان کی طلب دوسری اشیا کی طلب سے اخذ ہوتی ہے اسے ماخوذ طلب کہلا جاتا ہے۔ مثلا زمین، سریا اور لکڑی وغیر ہ کی طلب ماخوذ طلب ہے کیونکہ یہ مکان بنانے کے لیے طلب کی جاتی ہیں۔
س: مشترک طلب /تکمیلی طلب سے کیا مراد ہے؟
ج: بعض اشیاء اکٹھی کسی حاجت کی تسکین کرتی ہیں ۔ ایسی اشیاء کی طلب مشترک طلب یا تکمیلی اشیاء کی طلب کہلاتی ہے۔ مثلا کار اور پٹرول، پین اور سیاہی وغیرہ
س: مرکب طلب کا مفہوم بیان کریں۔
ج: بعض اشیاء ایک سے زائد مقاصد کے لیے استعمال ہوتی ہیں اگر ان تما م مقاصد کے لیے شے کیے طلب کو جمع کر لیا جائے تو اسے مرکب طلب کہتے ہیں۔
س: نعم البدل اشیا کی طلب سے کیا مرادہے؟
ج: ایسی اشیاء جن کو ایک دوسرے کی بدلے استعمال کیا جا سکے ان اشیاء کو نعم البدل اشیاء کہا جاتا ہے۔ ایسی اشیاء کی طلب کو نعم البدل اشیا ء کی طلب کہا جاتا ہے۔
س: قانون طلب کی تعریف لکھیں۔
ج: اگر دیگر حالات بدستور رہیں تو کسی شے کی قیمت میں اضافے سے اس شے کی طلب میں کمی ہو جاتا ہے اور قیمت کم ہونے سے طلب میں اضافہ ہو جاتا ہے۔
س: خط طلب کے منفی جھکاؤ کی وجوہات بیان کریں۔
ج: 1)نئے خریداروں کی شرکت 2)اثر آمدنی 3) اثر استبدال
س: قانون طلب کے چار مفروضات تحریر کریں۔
ج: 1) صارفین کی آمدنی نہ بدلے 2)آبادی تبدیل نہ ہو 3)فیشن یا پسند نہ بدلے 4) متبادل اشیاء کی قیمتیں نہ بدلیں
س: قانون طلب کی حدود یا مستثنیات تحریر کریں۔
ج: 1)گفن اشیاء 2) نایاب اشیاء 3) لاعلمی 4) ناگہانی حالات
س: طلب کے پھیلنے سے کیا مراد ہے؟
ج: قیمت کے کم ہونے سے اگر طلب میں اضافہ ہو تو اسے طلب کا پھیلنا کہتے ہیں۔
س: طلب کے سکڑنے سے کیا مراد ہے؟
ج: قیمت کے بڑھنے سے اگر طلب میں کمی ہو تو اسے طلب کا سکڑنا کہتے ہیں۔
س: طلب کے بڑھنے / چڑھنے سے کیا مراد ہے؟
ج: قیمت میں تبدیلی کا اثر طلب پر نہ پڑے یعنی جب طلب میں اضافہ قیمت کے علاوہ دیگر عوامل کی تبدیلی کی وجہ سے ہو تو اسے طلب کا بڑھنا کہتے ہیں۔
س: طلب کے گٹھنے/گرنے سے کیا مراد ہے؟
ج: قیمت میں تبدیلی کا اثر طلب پر نہ پڑے یعنی جب طلب میں کمی قیمت کے علاوہ دیگر عوامل کی تبدیلی کی وجہ سے ہو تو اسے طلب کا گٹھنا کہتے ہیں۔
س: طلب میں تغیرات کے اسباب بیان کریں۔
ج: 1)شے کی قیمت میں تبدیلی 2) صارفین کی آمدنی میں تبدیلی 3) فیشن یا پسند میں تبدیلی 4) متبادل اشیاء کی قیمتوں میں تبدیلی
س: طلب کی لچک کی تعریف بیان کریں۔
ج: کسی شے کی قیمت میں تبدیلی کے باعث اس کی طلب میں پیدا ہونے والے ردعمل کی شرح کو طلب کی لچک کہتے ہیں۔
س: طلب کی لچک کی پیمائش کے طریقوں کے نام تحریر کریں۔
ج: 1)اخراجا ت کا طریقہ 2)فیصد یا فلکس کا طریقہ 3)نقطی اور قوسی لچک
س: نقطی لچک سے کیا مراد ہے؟
ج: کسی شے کی قیمت میں نہایت معمولی تبدیلی کی وجہ سے اس شے کی طلب میں بھی نہایت معمولی تبدیلی رونما ہو تو اسے طلب کی نقطی لچک کہا جاتا ہے۔
س: طلب کی قوسی لچک سے کیا مراد ہے؟
ج: کسی شے کی قیمت میں نمایاں تبدیلی کی وجہ سے اس شے کی طلب میں بھی نمایاں تبدیلی رونما ہو تو اسے طلب کی قوسی لچک کہا جاتا ہے۔
س: آمدنی لچک کا مفہوم بیان کریں۔
ج: اگر شے کی طلب میں تبدیلی صارف کی آمدنی میں تبدیلی کی وجہ سےآئے تو اسے طلب کی آمدنی لچک کہا جاتاہے۔
س: متقاطع لچک کی تعریف لکھیں۔
ج: اگر کسی ایک شے کی قیمت تبدیل ہونے سے دوسری شے کی طلب تبدیل ہو جائے تو اسے متقاطع لچک کہا جاتا ہے۔
س: طلب کی لچک کی عملی اہمیت تحریر کریں۔
ج: 1)وزیر خزانہ کی رہنمائی 2) اجارہ دار کی رہنمائی 3) صنعت کار کی رہنمائی 4) مشترک اشیاء کی قیمتوں کے تعین میں رہنمائی
س: طلب کی مساوات اخذ کرنے کا فارمولا تحریر کریں۔
ج: طلب کی مساوات اخذ کرنے کا فارمولادرج زیل ہے۔
س: استبدالی اثر سے کیا مراد ہے؟
ج: جب کسی شے کی قیمت ہو اور اس کے متبادل کی قیمت میں کوئی تبدیلی نہ تو صارفین مہنگے متبادل کو چھوڑ کر سستی شے کو زیادہ خریدتے ہیں اسے ہی استبدالی اثر کہا جاتا ہے۔
س: تکمیلی اشیاء کی تعریف بیان کریں ؟
ج: بعض انسانی حاجات ایسی ہوتی ہیں جن کی تکمیل کے لیے بیک وقت ایک سے زائد اشیاء کی ضرورت ہوتی ہے ان اشیاء کو تکمیلی اشیاء کہتے ہیں۔
س: طلب کی صفر لچک سے کیا مراد ہے؟
ج: جب کسی شے کی قیمت تبدیل ہونے پر اس کی مقدار طلب میں کوئی تبدیلی نہ آئے تو طلب کی لچک صفر ہوتی ہے۔
س: گفن اشیا ءکی تعریف لکھیں۔
ج: گفن اشیاء سے مراد ایسی اشیاء ہیں جن کی قیمت بڑھنے سے ان کی طلب میں اضافہ ہو جاتا ہے اور قیمت کم ہونے سے ان کی طلب میں کمی واقع ہو جاتی ہے ۔
س: نعم البدل اشیا ء/متبادل سے کیا مرادہے؟
ج: ایسی اشیاء جن کو ایک دوسرے کی بدلے استعمال کیا جا سکے ان اشیاء کو نعم البدل اشیاء کہا جاتا ہے۔مثلا بھوک مٹانےکے لیے روٹی یا چاول متبادل اشیاء ہیں۔
Add Comment