Home » بارٹر سسٹم تاریخ اور تعریف
Money Banking and Finance

بارٹر سسٹم تاریخ اور تعریف

زرایجادہونے سے قبل بارٹر اشیاء اور خدمات کے تبادلہ کا ایک پرانا طریقہ ہے۔ بارٹر سسٹم کا استعمال صدیوں پہلے تقریبا  6000 سال قبل مسیح اور شاید پہلےسے تھا۔ بارٹر سسٹم میسوپوٹیمیا قبائل نے متعارف کرایا تھا ، جسے بعد میں فینیشین نے اپنایا۔ اس وقت فینیشین اور دوسرے شہروں کے مابین تجارت میں اشیاء اورخدمات کا دوسری اشیا اور اجناس کے ساتھ تبادلہ ہوتا تھا۔

بابلین میں بھی بہتر اور ترقی یافتہ بارٹر سسٹم موجود تھا۔ انہوں نے مصالحے ، اسلحہ ، چائے اور کھانے کے بدلےاشیاء کا تبادلہ کرتے تھے۔ اس وقت نمک بھی ایک قیمتی چیز تھی حتی کہ رومی فوجیوں کو نمک تنخواہ کے طور پر دیا جاتا تھا۔ چاہے یہ بارٹرہو یا نہ ہو ، اگر لوگوں نے نمک کو بطور کرنسی استعمال کیا ، تو قابل بحث ہے۔ اگر کوئی جنس تجارتی اشیاء اور خدمات کے بدلے مقبول ہو جاتی ہے تو ، یہ زر کی ایک شکل بن جاتی ہے۔

منٹ ڈاٹ کام کے مطابق: "قرون وسطی میں ، یورپی باشندے ریشم اور خوشبو کے بدلے میں دستکاریاں اور کھالوں کے تبادلوں کے لئے دنیا بھر میں سفر کرتے تھے۔” جب زر ایجاد ہوا تو ، بارٹر ختم نہیں ہوا ، یہ اور منظم ہو گیا۔

1930 کے دہائی کے دوران عالمی کساد بازاری میں بارٹر سسٹم پھر سےمقبول ہو گیا کیونکہ زیادہ تر لوگوں کے پاس زر کم تھا یا نہیں تھا ۔ لہذا ، وہ خدمات کے بدلےخوراک کا تبادلہ کرتے تھے۔ مثال کے طور پر ، کچھ گھنٹے کام کرنے کے بدلے کھانا مل سکتا تھا۔

لہذا  بارٹر تبادلہ کی وہ شکل ہے جس میں اشیاء اور خدمات کا تبادلہ بغیر کسی وسیلے کے ایک دوسرے سے کیا جاتا ہے۔ مثال کے طور پر ، اگر میں اپنی پنسل کے بدلے میں محمود سے اس کا قلم لیتا ہوں تو ، اپنے اور محمود کے مابین ہونے والے لین دین کو "بارٹر” کہا جائے گا۔ مال کے لئے سامان کے براہ راست تبادلے سے مالیاتی ترقی کی طرف پہلا قدم تھا۔

بارٹر سسٹم کا نظام صرف مندرجہ ذیل شرائط کے ساتھ ہی ممکن ہے:

1۔ خواہشات بہت محدود ہوں۔

2۔ لوگوں ایک محدود علاقے میں رہتےہوں ۔

تعریف:

آر ۔ایچ۔ پارکر کا کہنا ہے کہ بارٹر زر کے استعمال کے بغیر اشیاء اور خدمات کا براہ راست تبادلہ ہوتا ہے بطور ادائیگی کا ذریعہ یا حساب کی اکائی۔

جی ۔تھامس کا کہنا ہے کہ بارٹر تجارت کی ایک قسم ہے جس میں اشیاء کا براہ راست تبادلہ ہوتا ہے ، دوسری اشیاء کے لئے زرکو  استعمال کیے  بغیر۔

ایچ۔ایس۔ سلوان کا کہنا ہے کہ زر کے استعمال کے بغیر کسی چیز یا خدمات کا براہ راست تبادلہ بارٹر ہے۔

آسان الفاظ میں زر کے استعمال کے بغیر کسی شخص کی اشیاء اور خدمات کا دوسرے لوگوں کی اشیا اور خدمات کے براہ راست تبادلہ بارٹر سسٹم ہوتا ہے ۔

 

Add Comment

Click here to post a comment

Advertisement

Advertisement

Follow Us on Facebook

Advertisement